भिडियो हेर्न यहाँ तल क्लिक गर्नुहोस
 |
काठमाडौँ- विश्वव्यापी स्वास्थ्य पहुँच दिवसको अवसरमा यहाँ आज माइतीघर मण्डलामा एक जनचेतनामुलक प्रदर्शन गरिएको छ । सो प्रदर्शन कार्यक्रममा सहभागीले ‘स्वास्थ्य नै जीवन हो’ र ‘स्वास्थ्य रहनका निम्ति सरसफाइमा ध्यान दिउँ’ लगायतका नारा लेखिएका प्ले कार्ड बोेकेका थिए ।
नेपाल जनस्वाथ्य सङ्घको अगुवाइमा बिहाज एक घण्टा गरिएको सो प्रदर्शनमा नागरिक समाज, विद्यार्थी, व्यवसायी, स्वास्थ्यकर्मी र समुदायको सहभागिता रहेको थियो ।
विश्व स्वास्थ्य सङ्गठनलगायतका सङ्घ-संस्था मिलेर विश्वव्यापी रुपमा पहिलोपटक ‘स्वास्थ्य सबैका लागिःस्वास्थ्यका कारण कोही गरिब हुन नपरोस्’ भन्ने मूल नाराका साथ यो दिवस मनाउन लागिएको हो ।
सोही अवसरमा सङ्घका अध्यक्ष भोगेन्द्रराज डोटेलले सरकारले विशेषगरी ग्रामीण क्षेत्रका जनतालाई आधारभूत स्वास्थ्यको व्यवस्था गर्नुपर्ने बताए ।
मुलुकका विभिन्न स्थानमा दिनहुँजसो भइरहने सवारी दुर्घटनालाई न्यूनीकरण गर्ने उद्देश्यले सङ्घले शनिबार जनचेतनामूलक पदयात्राकोसमेत आयोजना गर्ने भएको छ । रासस
Source News feed from स्वास्थ्य खबर पत्रिका http://ift.tt/12UJqqA
Posted via IFTTT
भिडियो हेर्न यहाँ तल क्लिक गर्नुहोस
|
|
